Хрватска оствари рекордни приходи од 4,5 милијарди евра од странски туристи во текот на првите шест месеци од 2026 година, објави Министерството за туризам и спорт, врз основа на податоци од Хрватската народна банка.
Само во вториот квартал од годината, приходите од странски туристи достигнаа 3,6 милијарди евра, што е за 4 проценти повеќе во споредба со истиот период минатата година.
Во првата половина од годината, приходите беа за 5 проценти повисоки отколку во истиот период во 2025 година, или за 212,4 милиони евра повеќе, објавува index.hr.
Значителниот раст на домашниот туризам, исто така, придонесе за позитивните резултати од туристичката сезона.
Во текот на првите шест месеци од годината, Хрватска регистрираше 1,5 милиони пристигнувања и 4,2 милиони ноќевања на домашни туристи. Во споредба со претходната година, бројот на пристигнувања е зголемен за 7 проценти, додека ноќевањата за 6 проценти.
Хрватскиот министер за туризам и спорт, Тончи Главина, изјави дека добрите резултати во предсезонскиот период се резултат на стратешки и промотивни активности прилагодени на промените на пазарот.
Според него, во споредба со 2016 година, приходите од странски туристи се зголемени за 120 проценти, како во вториот квартал, така и во првата половина од годината. Во првите шест месеци од оваа година, Хрватска остварила 2,5 милијарди евра повеќе приходи од странски туристи отколку во истиот период од 2016 година.
The post За шест месеци Хрватска заработи 4,5 милијарди евра од туризмот appeared first on Во Центар.
