Бројот на лица кои го загубија животот по срушувањето на покривот на еден ноќен клуб во Санто Доминго достигна до 231, потврди министерот за внатрешни работи на Доминиканската Република, Фариде Рафул. Инцидентот се одигра пред една недела во клубот по име “Џет сет”, во текот на музички настап на естрадниот уметник Руби Перез, кој, за жалот, е меѓу жртвите. Рафул додаде дека на местото на настанот иницијално биле утврдени 221 жртви, додека уште 10 лица починале од повредите во болниците. За справување со ситуацијата, над 4.500 лица од екипите за итни случаи биле активирани, кои изминатите 59 часа работеа на теренот – пребарувајќи за останати преживеани, извлекувајќи жртви и помагајќи на засегнатите семејства. Во тие напори, спасени се 189 лица. Оперативниот центар за вонредни состојби (ЦОЕ) информираше дека клубот бил значително преполн во моментот на трагедијата, меѓутоа сè уште не се знае точниот број на присутните лица. Причините за овој страшен настан сè уште се предмет на истрага.
Пронајдете не на следниве мрежи:
