– Претседателот на Украина, Владимир Зеленски, вчера разговараше за безбедносната ситуација во врска со нуклеарната електрана Запорожје, најголема во Европа и меѓу 10-те најголеми во светот, со лидерот на Меѓународната агенција за атомска енергија (ИАЕА) Рафаел Гроси во украинскиот главен град Киев.

„Страните разговараа за моменталната безбедносна ситуација во привремено окупираната нуклеарна електрана Запорожје и ризиците што ги претставува нејзината окупација од страна на трупите“, се вели во соопштението на украинското Претседателство.

• Трамп потпиша извршна наредба – нема американско државјанство преку раѓање
  Американскиот претседател Доналд Трамп повторно се обидува да го ограничи правото… Read more: Трамп потпиша извршна наредба – нема американско државјанство преку раѓање
• Македонец во Кушадаси сериозно ги повредил вратните пршлени, со владиниот авион ќе биде пренесен во Скопје
  Млад турист од Македонија се здобил со тешки повреди на вратните… Read more: Македонец во Кушадаси сериозно ги повредил вратните пршлени, со владиниот авион ќе биде пренесен во Скопје
• Мицкоски ја направи Македонија зависна од брзи кредити – задолжени 333 милиони евра за 71 ден, најмалку 3 милијарди за две години
  За само 63 дена, ДПМНЕ отвори три нови финансиски фронта вредни… Read more: Мицкоски ја направи Македонија зависна од брзи кредити – задолжени 333 милиони евра за 71 ден, најмалку 3 милијарди за две години
• 10 години од поплавите, на комеморација прочитани имињата на загинатите: „Времето не ги избриша спомените, ниту пак ја намали тагата“
  На комеморативен настан вечерва во Домот на културата 11 Октомври во… Read more: 10 години од поплавите, на комеморација прочитани имињата на загинатите: „Времето не ги избриша спомените, ниту пак ја намали тагата“
• Сигнал до Иран и САД: Пакистан, Турција и Саудиска Арабија склучија пакт за заемна одбрана
  Пакистан, Турција и Саудиска Арабија потпишаа пакт за заемна одбрана во… Read more: Сигнал до Иран и САД: Пакистан, Турција и Саудиска Арабија склучија пакт за заемна одбрана

Зеленски рекол дека единствен начин да се спречи нуклеарна несреќа во постројката е „нејзина потполна демилитаризација, деокупација и повторно воспоставување контрола над постројката од страна на Украина“.

Електраната во Запорожје е под контрола на Русија од март 2022 година, набргу по започнувањето на војната во Украина. Оттогаш постои страв од нуклеарна катастрофа, бидејќи Москва и Киев меѓусебно се обвинуваат за гранатирања во близина на електраната.

„Значаен разговор со претседателот Зеленски непосредно пред заминување на првата линија и нуклеарната електрана Запорожје. ИАЕА ја продолжува својата работа на спречување нуклеарна несреќа во Украина. Ви благодарам претседателе Зеленски на вашата поддршка во овие напори“, напиша Гроси на социјалната мрежа Х.

Претходно, во текот на денот, Гроси разговараше и со украинскиот министер за енергетика, Херман Халушченко, како и со Олех Кориков, вршителот на должност шеф на Украинскиот државен инспекторат за нуклеарна регулатива, и со Петро Котин, шефот на Енергоатом, украинскиот национален снабдувач со нуклеарна енергија.

Според ИАЕА, Гроси ќе патува во Запорожје „за да разговара и да ги оцени важните прашања и развој на настаните што се однесуваат на сѐ уште кревката нуклеарна сигурност и безбедносна ситуација на таа локација, вклучувајќи го и намалениот број персонал што работи во оваа голема постројка“.

Гроси по четврти пат ќе ја премине линијата на фронтот за да ја посети нуклеарната електрана Запорожје, чии шест реактори се затворени речиси 18 месеци и не произведуваат електрична енергија, но сѐ уште содржат големи количества нуклеарно гориво кое мора да се чува на безбедно, вклучувајќи соодветно ладење и безбедност, соопштија од ИАЕА.

Пронајдете не на следниве мрежи:

• 
• 
• 
• 
• 
•