Украина сака пари и технологија во замена за помош на земјите од Блискиот Исток да се одбранат од иранските „камикази“ дронови, изјави украинскиот претседател Володимир Зеленски. „Не станува збор за учество во операции. Ние не сме во војна со Иран.

Станува збор за заштита и за наша темелна и целосна проценка за тоа како да се спротивставиме на иранските дронови“, рече Зеленски. Тој истакна дека секој од трите тима се состои од десетици луѓе, кои ќе спроведат проценки и ќе демонстрираат како треба да функционира одбраната од дронови. Според него, речиси десетина земји низ целиот свет побарале помош од Украина во спротивставувањето на овие напади.

Зеленски претходно изјави дека тимови се испратени во Катар, ОАЕ и Саудиска Арабија, додека друг функционер рече дека специјалисти се наоѓаат и во американската воена база во Јордан.