Денеска западниот дел на Грција беше погоден од земјотрес со јачина од 4,5 степени според Рихтеровата скала, при што потресот бил почувствуван и во соседните земји.

Европско-медитеранскиот сеизмолошки центар (EMSC) соопшти дека епицентарот бил на длабочина од 16 километри, на околу 25 километри од градот Јанина.

Очевидците пријавуваат дека потресот бил силен, но краткотраен. Засега нема информации за повредени лица или материјална штета.

Потресот, според EMSC, бил почувствуван и во Охрид и во Тирана.