Повеќето луѓе доживуваат незгодни бакнежи кои би сакале да ги заборават. Иако правењето грешки е сосема нормално, ако се препознаете себеси во нешто од горенаведеното, треба да поработите на вашата техника на бакнување.
Еден од знаците дека лошо се бакнувате е тоа што стоите мирно, вели психосексуалниот терапевт и експерт за врски Анабел Најт за „Метро“ .
„Бакнежот треба да биде многу повеќе од само спојување на усните. Треба да вклучува блискост на телото, прегратка и држење за раце. Ако се најдете во позиција каде што се бакнувате како пингвин, т.е. со рацете спуштени на страните, тогаш тоа не е добро“, рече таа.
Најдобро е да го галите лицето и косата на партнерот, да го гушкате околу половината или вратот, што и да ви дојде природно во таа ситуација.
„Се подразбира дека бакнувањето треба да биде консензуално“, нагласува Најт, „но ако твојот се обидува да се оддалечи прерано, тогаш се плашам дека тоа би можело да биде затоа што лошо се бакнуваш“.
Ова е тешко, бидејќи оддалечувањето може да значи сто различни работи – дури може да биде и мал потег што го користат за да ве „натераат“ да сакате повеќе. Меѓутоа, ако излегувате со нов партнер и забележите дека тој многу се оддалечува, треба да размислите зошто е тоа така.
„Обидете се да го усогласите вашиот ритам и брзина со нивните. Ова би можело да помогне да се спречи такво сценарио“, рече таа.
Ако имате суви усни, тоа би можело да ви го уништи бакнувањето. Затоа секогаш треба да имате при рака балсам за усни. Ако вашиот партнер одеднаш престане да се бакнува, тоа исто така може да биде знак за проблеми.
„Да знаете како да одржувате контакт и хемија кога усните не се допираат е вештина на добар бакнувач. Затоа, научете го ова ако сакате да ја исправите вашата грешка“, изјави таа.
Конечно, имајте на ум дека вие и вашиот партнер треба да бидете синхронизирани, имитирајќи ги движењата еден на друг, но на спротивни страни.
„Ако на почетокот од водењето љубов чувствувате дека вашиот партнер ве „имитира“ или се наведнува во иста насока, тогаш тоа ќе го уништи моментот“, рече таа.
The post Знаци дека лошо се бакнувате: Не ги правете овие работи appeared first on Во Центар.
