На конференција “Улогата на жените во модерното општество – помеѓу јакнење, лидерство и родовата дискриминација“, која се одржа во Букурешт, за статусот на жените во Република Северна Македонија, како и за заложбите кои Владата ги презема за намалување на насилството врз жените и девојките говореше Зорица Заева, сопругата на премиерот Зоран Заев.
Заева на конференцијата присуствува на покана на романската премиерка Виорица Данчила, а во рамки на претседавањето на Романија со Советот на ЕУ.
Во фокусот на конференцијата се стратешките европски и меѓународни документи кои на краток и долг рок работат во насока на елиминација на родовата дискриминација и нееднаквост, но и на општествениот дискурс кој се движи во насока на подигнување на свеста за сите форми на насилство врз жената и овозможување на средина за еднаков развој и учество на жените во општеството, политиката и приватниот сектор.
Посебен акцент во своето обраќање, Заева стави на економското јакнење на жените во општеството.
– Девојките и жените имаат апсолутно еднакво право да напредуваат во нивните работни кариери и да бидат избирани на највисоки работни позиции. Нема никаква причина да биде поинаку. Намалувањето на родовиот јаз во платите, на макроекономско ниво, може да придонесе за поголем економски раст. Затоа треба да биде јасно: Економското зајакнување е одговорот на многу од прашањата со кои се соочуваат девојките и жените, рече Заева.

 

 

Пронајдете не на следниве мрежи:

• 
• 
• 
• 
• 
•