Иронијата е што во зима ни е најпотребен овој витамин, а имаме најмалку можност да го добиеме по природен пат, поради што решението можат да бидат суплементите на витамин Д. Ни помага да се бориме против инфекциите, како и да го намалиме воспалението.
Која храна е богата со витамин Д?
Масната риба е богата со витамин Д и затоа се препорачува во дневното мени во текот на зимата. Туната и сардините можат да бидат добар појадок во комбинација со некоја од салатите. Филето од туна, пак, може да биде многу вкусна вечера со зеленчук на пареа како прилог.
Покрај оваа храна, друг одличен извор на витамин Д се и печурките. Можете да ги јадете на различни начини, на скара, со јајца, како сос за тестенини или како прилог со месо.
Долго време, истражувањата покажаа дека главната карактеристика на витаминот Д е зајакнувањето на коските и скелетниот систем. Сепак, по 1980 година, научниците открија дека витаминот Д има значајна улога во градењето на имунитетот, во клетките на имунолошкиот систем.
Зошто ни недостасува овој витамин во зимските месеци?
Одговорот е прилично едноставен – поминуваме помалку време надвор. Без разлика колку време одвојувате за скијање и уживање во снегот, тоа често се сведува на неколкудневен одмор. Сепак, и тој престој не е доволен, бидејќи целосно сте заштитени од сончевите зраци со зимска облека, капи, шалови и ракавици.
Лицето е единствениот отворен дел од телото
Препорачаната дневна доза на овој витамин варира од земја до земја и се движи од 200 до 2.000 IU. Она што е важно е да се консултирате со вашиот лекар, бидејќи прекумерните дози на витамин Д може да бидат токсични.
Во зима дефинитивно ви треба овој витамин, само треба да ја одредите дозата што ќе ја земате.
Многу експерти повеќе не сугерираат изложување на сонце подолго време, бидејќи е докажано дека сончевите зраци имаат штетно УВ зрачење, што доведува до промени на кожата, рак или други помали проблеми, како што се егзема, дерматитис и лајк, пренесува Vijesti.me.
Затоа, витаминот Д во форма на додаток може да биде добра и сигурна замена за потребниот внес на овој витамин.
Истражувањата покажаа и дека земањето витамин Д во зимските денови го зајакнува организмот за цела година. Резултатите покажале дека има помалку воспаленија, настинки и тешки инфекции со вируси и грип.
