Извршниот директор на американската технолошка компанија „Астрономер“, Енди Бајрон, е суспендиран откако беше фатен како изневерува со колешката Кристин Кабот на концертот на „Колдплеј“ во Бостон.
„Астрономер“, каде што двајцата работат, издаде официјално соопштение два дена по инцидентот, најавувајќи истрага.„Астроном е посветен на вредностите и културата што нè водат од нашето основање. Од нашите лидери се очекува да го постават стандардот и за однесувањето и за одговорноста“, рекоа првично.
Во истото соопштение се додава дека одборот на директори започнал формална истрага и наскоро ќе сподели повеќе информации. Исто така, се нагласува дека видеото не ги прикажува другите вработени во компанијата.
Во меѓувреме, Пит ДеЏој, коосновач и главен директор за производи, е именуван за привремен извршен директор.
Компанијата, исто така, ја негираше изјавата на Енди Бајрон што циркулираше на интернет, тврдејќи дека таквите коментари се лажни и дека тој самиот не дал никаква изјава.
Патем, сега суспендираниот извршен директор на „Астрономер“, Енди Бајрон, и директорката за човечки ресурси на компанијата, Кристин Кабот, беа фатени како ги изневеруваат нивните партнери на концертот на „Колдплеј“ во Бостон, а социјалните медиуми постојано зборуваат за скандалот, а мемињата ги преплавија сите платформи.
Бајрон ја прегрнувал Кабот, а нивната интимност ја забележа фронтменот на бендот, Крис Мартин, кој рече: „О, погледнете ги овие двајца“, по што беа прикажани на големото платно.
Само неколку секунди подоцна, Бајрон нагло ги пушти рацете на Кабот и се обиде да се скрие зад оградата, додека таа го покри лицето со рацете. Сцената предизвика смеа кај публиката, а Мартин рече: „Или имаат афера, или се само многу срамежливи“.
Видеото брзо беше споделено на социјалните мрежи, а бројни гледачи го обвинија Бајрон за неверство. Инаку, Бајрон е во брак со Меган Кериган Бајрон, со која има две деца, а се наведува дека и Кристин Кабот е во брак.
Пронајдете не на следниве мрежи:
