Имал коронавирус и преживеал: Кога болницата му испрати сметка остана во шок, но следеше олеснување

Седумдесет годишен Американец, кој бил во многу критична состојба поради Ковид-19, добил шокантно висока сметка од 1,1 милион американски долари за трошоците за лекување во болница, пишува „Сиетл Тајмс“.
Мајкл Флор бил примен во болница во Сиетл на 4 март и останал таму 62 дена. Во еден момент тој бил толку блиску до смртта што сестрите му го држеле телефонот за да може да се збогува со сопругата и децата.


Спеак, Мајкл се опоравил и бил пуштен од болницата на 5 мај, на задоволство на лекарите и медицинските сестри кои се грижеле за него, за на крајот да добие сметка на 181 страница во висина од 1.122.501 долари, изјавил тој за весникот.
Тоа вклучува: 9.736 долари дневно за соба на интензивна нега, речиси 409.000 долари за претворање на собата во стерилен простор за 42 дена, 82.000 долари за употреба на респиратор за 29 дена и скоро 100.000 долари за двата дена кога бил во животозагрижувачка состојба.
Флор го покрива „Медикер“, програмата на Владата за осигурување на стари лица и нема да треба да плаќа од свој џеб, објави во саботата „Тајмс“.
Но, во земја каде здравствениот систем е еден од најскапите во светот и мислата да се направи достапен за секого останува многу контроверзна, тој рече дека се чувствува виновен, знаејќи дека даночните обврзници ќе ги сносат повеќето од трошоците за негово лекување.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.