Ако мислевте дека не можете да го мразите Teams повеќе отколку што веќе го мразите… Почекајте! Со новото ажурирање, таа апликација добива можност да му каже на вашиот шеф точно од каде работите . Значи, ако размислувавте да одите на патување без да го пријавите тоа во компанијата (т.е. да се преправате дека сте болни дома) – повеќе нема да можете.
Гугл и Мајкрософт објавија ажурирања на почетокот на декември што многумина ги сметаат за уште еден чекор кон посилно следење на вработените. Прво, се појави драма околу Гугл, откако стана јасно дека текстуалните пораки на службените уреди можат да се архивираат и да бидат достапни за компанијата.
Каде е проблемот и како би функционирало?
Во исто време, „Мајкрософт“ тивко ја протурка таа промена за „Тимс“, што треба да овозможи автоматско споделување на работната локација со работодавачот, односно со претпоставените.
Мајкрософт објаснува дека „кога корисниците ќе се поврзат на Wi-Fi мрежата на компанијата“, Тимс автоматски ќе ја постави нивната работна локација за да ја одрази зградата каде што работат. Официјалната цел звучи безопасно: да им се олесни на колегите да ве пронајдат и да се разбере појасно кој каде е, особено во хибридната работа.
Проблемот, сепак, е кога таа видливост се претвора во алатка за верификација и линијата помеѓу практичното и наметливото почнува да се заматува. Бидејќи, ако не сте во канцеларија, ниедна виртуелна позадина нема да ве „спаси“ од непријатни прашања.
Кога започнува?
За оние кои работат од дома и повремено имаат ден „кашлање-кашлање“ надвор од канцеларијата, постои уште една важна работа: воведувањето е одложено.
Првично се очекуваше промената да пристигне веќе во декември, потоа рокот беше поместен за јануари, а сега февруари се споменува како месец кога треба да дојде до промената кај компјутерите на Windows и macOS. Со други зборови, оние кои тајно практикуваат да работат од дома сè уште имаат малку време пред ова да стане норма.
The post Имаме лоши вести за оние кои работат од дома: Шефовите сега ќе ја знаат вашата точна локација appeared first on Во Центар.
