Како да ги заштитите очите од УВ-зраците?

Конечно доаѓа потопло време, а тоа значи дека ќе останете на сонце подолго време. Веќе знаете дека треба да ја заштитите кожата со нанесување крем за сончање со висок заштитен фактор, но не заборавајте дека и на вашите очи им е потребна заштита.
Како да ги заштитите очите од УВ-зраците?
УВ-зрачењето, без оглед дали е од природна сончева светлина или од внатрешни вештачки зраци, може да ја оштети површината на окото, како и рожницата и леќите. За жал, многу луѓе не се свесни за опасностите што може да ги има УВ-светлината. Ако носите очила за сонце што ги блокираат УВ-зраците, можете безбедно да уживате во летото, истовремено намалувајќи го ризикот од болести на окото и тумори.
Прекумерното изложување на УВ-светлина го зголемува ризикот од болести на очите. Еве неколку состојби што можете да ги избегнете со носење очила за сонце:
Развојот на катаракта и рак на очите може да трае со години. Секој пат кога ќе се сончате на сонце без заштита на очите, го зголемувате ризикот од сериозни болести. Бебињата и децата треба да носат капи и очила за сонце токму од оваа причина. Луѓето од сите возрасти треба да преземат мерки на претпазливост секогаш кога се на отворено.


Израстоци на очите може да се појавat во нашите тинејџерските години или во дваесеттите години. Сурферите, скијачите, рибарите, земјоделците и другите луѓе кои поминуваат долги часови под сонце или во близина на вода се изложени на поголем ризик. Снежното слепило, форма на фотокератитис, може брзо да се развие по изложување на УВ-рефлексии од снег, мраз, песок или вода, а се зголемува и ризикот од рак на очите, катаракта, израстоци и изгореници на очите.
Како да ги заштитите очите?
Иако првенствено купуваме очила според тоа дали добро ни стојат и дали ги сакаме, треба да изберете очила за сонце што обезбедуваат 100% заштита од УВ-зраци, УВ400 заштита или очила што ги блокираат и УВ-А и УВ-Б зраци.
Носете капа или шешир со поширок раб.
Бидејќи облаците не ја блокираат УВ-светлината, а сончевите зраци минуваат низ магла и облаци без никаков проблем, никогаш не гледајте директно во сонцето. Така може да ја оштетите мрежницата на окото и да предизвикате сериозна повреда позната како сончева ретинопатија.
Избегнувајте солариуми! Солариумот е опасен за вашите очи и за вашето тело исто како УВ-светлината на отворено, а во некои земји тие се целосно забранети.
Не заборавајте дека сонцето е исто така здраво!
Изложеноста на сончева светлина може да има позитивни ефекти, со соодветна заштита. Секој ден ви треба малку природна светлина, што ќе ви помогне да спиете добро. Ова е така затоа што клетките во нашите очи што се чувствителни на светлина играат важна улога во природните циклуси на будност и спиење на нашето тело. Поминувањето време на отворено на дневна светлина, исто така, може да помогне во спречувањето миопија кај децата. Не само што вежбањето е одлично за здравјето на очите, туку од вежбањето на отворено има и други придобивки.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.