Високата претставничка на Европската Унија за надворешни работи и безбедносна политика, Каја Калас, денес изјави дека ЕУ разгледува што може да направи за да го отвори Ормутскиот теснец за меѓународен сообраќај.

Растечките цени на енергијата и ѓубривата придонесоа војната во Иран да биде главна тема на денешниот состанок на министрите за надворешни работи на ЕУ, изјави Каја Калас.

Таа рече дека ЕУ би можела да ја прошири својата поморска мисија „Аспидес“, која има за цел да ги заштити бродовите во Црвеното Море, до Персискиот Залив.

Друго решение би било да се формира коалиција од земји кои се подготвени да распоредат воени сили за оваа цел, изјави Каја Калас, пренесува АП.