Директорот на Фондот за здравство, Сашо Клековски, најави дека цената на здравствените услуги ќе се зголеми од 1 јануари.
Учеството ќе се зголеми од 40 денари на 60 денари. Специјалистичкиот преглед ќе се зголеми од 380 денари на 720 денари. Најголемо зголемување ќе има општиот пакет за итни случаи, од 780 денари на 2.450 денари.
Директорот на Фондот за здравство предупреди и на казнени мерки во случај на пречекорување на квотите за препишување антибиотици и лекови за намалување на анксиозноста. Дополнително, ќе се засилат контролите врз злоупотребата на боледувањата.
„Системот ќе ги заштити и лекарите од притисок да препишуваат готови терапии, бидејќи знаеме дека понекогаш притисокот доаѓа од граѓаните кои сакаат да земат лек без оглед на тоа дали е погоден за нивната индикација. Зајакнувањето на јавната свест е исто така важно. За нас, најкритична е употребата на Сумамед, кој треба да биде антибиотик за последна линија на одбрана, а минатата година имавме зголемување на неговата употреба за 23 проценти“, изјави Сашо Клековски, директор на Фондот за здравство.
The post Клековски: Цените на здравствените услуги ќе се зголемат од 1 јануари appeared first on Во Центар.
Пронајдете не на следниве мрежи:
