Многу луѓе кои редовно земаат витамини и други додатоци во исхраната сакаат да го извлечат максимумот од нив. Но, за да се постигне ова, не е секогаш најдобро да се земаат сите одеднаш наутро.
Иако земањето додатоци во исхраната е дел од утринската рутина за многу луѓе, распределбата на внесот во текот на денот може да донесе значително повеќе придобивки за телото.
Нутриционистката Кејт Букер објаснува дека иако многу луѓе ги земаат сите додатоци во исхраната наутро, постои оптимално време за земање на некои од нив, бидејќи тоа може да ги подобри нивните ефекти.
Витамини од групата Б за почеток на денот
Ако земате витамини од групата Б наутро, правилно го правите тоа. Витамините од групата Б, од кои има осум, му помагаат на телото да ослободи енергија од храната и се важни за здравјето на крвта, кожата и нервниот систем.
„Витамините Б секогаш е најдобро да се земаат наутро бидејќи можат да имаат стимулирачки ефект и да ја обезбедат потребната енергија за почеток на денот“, вели Букер.
Витаминот Ц е подобро да се зема во поделени дози.
За разлика од витаминот Б, некои додатоци во исхраната се подобро распоредени. Витаминот Ц, кој помага во заштитата на клетките, заздравувањето на раните и одржувањето на здрава кожа, крвни садови, коски и ‘рскавица, е еден од нив.
„Витаминот Ц е растворлив во вода и телото едноставно го исфрла вишокот преку урината. Затоа е подобро да се подели дозата и да се зема во текот на денот, наместо одеднаш“, објаснува Букер.
Витамин Д во средината на денот, кога сонцето е најсилно
Витаминот Д е неопходен за здрави коски, заби и мускули. Официјалните препораки наведуваат дека секој треба да го зема како додаток во исхраната во текот на есента и зимата, кога изложеноста на сонце е намалена.
Кога станува збор за времето од денот, нутриционистот има јасен совет.
,,Витаминот Д е најдобро да се зема во средината на денот. Тогаш телото природно би го произведувало од сончева светлина, бидејќи тогаш сонцето е најсилно“, истакнува Букер.
Магнезиум за вечер и подобар сон
Магнезиумот е додаток кој се препорачува да се зема навечер. Истражувањата покажаа дека помага при релаксација, а Букер наведува дека може да придонесе за подобар квалитет на спиење.
„Магнезиумот е најдобро да се зема навечер за да се подобри квалитетот на спиењето“, вели таа.
Сепак, постои исклучок. „Магнезиумот е потребен и за синтеза на витамин Д, па затоа ако сте биле изложени на сонце, корисно е да земате помала доза на магнезиум“, додава таа.
Ашваганда за намалување на стресот
За крај, Букер препорачува ашваганда. Тоа е адаптоген кој може да помогне во намалувањето на нивото на кортизол, познат како хормон на стрес.
„Ашвагандата може да му помогне на телото подобро да се справи со стресот и може да ги намали чувствата на анксиозност. Затоа многу луѓе претпочитаат да ја земаат навечер“, заклучува нутриционистот.
The post Кога е најдобро време да земате витамини и додатоци во исхраната? appeared first on Во Центар.
