Една од централните теми во јавноста е прашањето кои фракции или кои лоби групи стојат зад желбата за смена на Венко Филипче. Ова прашање се надоврзува на последните изборни резултати и внатрешната динамика во партијата.
Ова беше едно од неколкуте прашања на кои одговараше Љубомир Фрчкоски во синоќешната емисија Во Центар со Васко Ефтов.
Изборниот резултат на Венко Филипче е оценет како тежок пораз. На локалните избори тој освои 124.000 гласови. Ова е значително помалку во споредба со претходниот кандидат, Димитар Ковачевски, кој на парламентарните избори падна на 154.000 гласови и се сметаше дека тоа е долниот праг. Сега Венко Филипче Филипче освои уште помалку, 124.000 гласови.
Историски гледано, во СДСМ (и ВМРО-ДПМНЕ, пред Мицкоски) е прифатен принципот дека тежок пораз на избори значи веднаш поднесување оставка. Бучковски, на пример, поднесе оставка во 2006 година по пораз со околу 240.000 гласови. Радмила Шеќеринска поднесе оставка по првите изгубени избори, исто како и Димитар Ковачевски. И покрај тешкиот пораз, Венко Филипче не покажува решеност да се повлече, се анализираше во емисијата.
Внатрешните фракции и „живото блато“ во партијата
Најсериозната опасност за СДСМ не е тоа што лоби групите директно ќе ја преземат партијата, туку тоа што нивната нелојалност или неприфаќање на политиката на лидерот ќе се претвори во апатија и нефункционирање на партијата.Постои ризик партијата да заврши како „живо блато“. Ова е ситуација каде лидерот е избран со непосредно гласање, но другите партиски органи (Централен одбор, Конгрес) не можат да бидат функционални и тешко се свикуваат поради недостиг на кворум.
Сепак, Љубомир Фрчкоски смета дека партијата полека ќе се издига и нема да пропадне како „живо блато“. Во тој контекст на внатрешен конфликт и пропаѓање, се споменува:
Дискретно покровителство на Бранко Црвенковски.
Финансирање од „познат бизнисмен кој го финансира и Мицковски“.
Присуство на „познатите византиски дами“.
Кога директно се поставува прашањето кои лоби групи го рушат Венко Филипче, Љубомир Фрчкоски избегнуваше да даде конкретни имиња на организирани групи, но посочи поединци чии постапки „создаваат внатрешна непријатност“.Меѓу тие што се обидуваат да создадат проблеми или „се занесуваат“ според Фрчкоски се споменуваат:
„Еден пратеник, министер Оливер Спасовски веројатно“.
„Еден поранешен градоначалник кој „се занесува““.
Изненадување предизвикува и мешањето на Пендаровски во внатрешните работи на партијата, кое Фрчкоски го оцени како „безвезе“.Иако овие не се организирани лоби групи кои ќе остварат некаква цел, тие „создаваат непријатна атмосфера внатре во партијата“, подвлекува Фрчкоски.Лидерството на Филипче: Дали заслужува повеќе шанси?За ова прашање Љубомир Фрчкоски смета дека „во ситуација на внатрешни конфликти, лидерот заслужува поддршка, независно од личното мислење за него“.„Искуството покажува дека политичките лидери растат преку порази, и дека една политичка фракција добива неколку шанси. За Филипче се смета дека веројатно ќе има шанса на уште два пара избори. За да успее, многу е важно да состави нова екипа, која треба да вклучува „картали“ (искусни и силни луѓе), а не само млади.“Сепак, се поставува дилемата зошто токму Венко Филипче би добил три шанси, кога другите лидери на СДСМ по еден пораз поднесувале оставка.На крајот, и покрај тешката состојба, гостинот уверува дека СДСМ ќе се „дигне полека“ од оваа ситуација, бидејќи тоа е партија која има структура и социјално ткиво кое трае долго, и нема да ја доживее ситуацијата како грчкиот ПАСОК.
Демант на Стево Пендаровски
Набргу по емитувањето на емисијата, со свој коментар се јави поранешниот Претседател на Република Македонија, Стево Пендаровски кој рече дека во неговото 30-годишно бавење со политика никогаш не мешетарел за разлика од некои други.
-Во врска со изјавата на Љубомир Фрчковски дадена во емисијата “Во Центар”, во која во негативен контекст го споменува моето име, сакам да го дадам следново појаснување.
Изјавата е проблематична минимум на две нивоа: македонската јавност добро знае дека во моето 30-годишно бавење со јавните работи никогаш не сум “мешетарел” како многу други во чии кариери нема ништо друго освен задкулисни маневри и кафеанско озборување.
Меѓутоа, многу поголем проблем е што изјавата е целосно одлепена од реалноста и фактите, што, за жал, се случува кај некои луѓе поради “квалитетот” на изворите со кои се дружат, напиша Пендаровски на Фејсбук.
Целата емисија може да ја погледнете на следниот линк:
The post Кои лоби групи сакаат да го сменат Венко Филипче? Пендаровски контра Фрчкоски appeared first on Во Центар.
Пронајдете не на следниве мрежи:
