Кога станува збор за најромантичните дестинации во Европа, најчесто ни паѓаат на ум неколку европски метрополи како на пример Рим, Лондон, и, се разбира, неприкосновениот град на љубовта и светлината, Париз.
Сепак, едно истражување ги рангирало најромантичните метрополи во Европа врз основа на специфична анализа на податоци и било спроведено од страна на компанијата Catamaran Charter Croatia која изнајмува катамарани на јадранскиот брег.
Градовите на листата се рангирани според бројот на ресторани и хотели опишани како романтични. Според студијата, хотелот или ресторанот е „романтичен“ доколку така е опишан на веб-страницата TripAdvisor, каде што корисниците имаат можност да остават свои оценки и впечатоци за нивните патувања.
На врвот на листата е Лисабон, па ако барате романса, главниот град на Португалија очигледно е местото за вас. Лисабон има 588 романтични ресторани и 152 романтични хотели, што е најголем процент по жител од сите европски метрополи.
Следен на листата е Монако, делумно поради неговата мала големина во однос на бројот на „романтични“ места, додека Париз го зазема третото место.
Во продолжение погледнете како изгледа комплетната листа на 10-те најромантични метрополи во Европа:
1.Лисабон, Португалија
2.Монако, Монако
3.Париз, Франција
4.Сан Марино, Сан Марино
5.Рим, Италија
6.Андора ла Веља, Андора
7.Амстердам, Холандија
8.Атина, Грција
9.Прага, Чешка
10.Рејкјавик, Исланд
