Канцеларијата за надворешни криминалистички работи во Делчево поднесе кривична пријава против Г.Т. (54) од Делчево поради сомнение за сторено кривично дело „злоупотреба на службена положба и овластување“.
Осомничениот, како градоначалник на општина Делчево, во 2023 и 2024 година склучил два договори за јавна набавка со економскиот оператор од Кочани, во вредност од 236.000 денари, двата со важност од една година, во кои за седум производи е понудена нереално ниска цена, односно 12 пати пониска од другите понудувачи.
Осомничениот не побарал дополнителни појаснувања за толку невообичаено ниските цени и наместо тоа, пречекорувајќи ги границите на својата службена должност, му дал предност и му овозможил на правното лице да ги добие двата договори за јавна набавка на стоки за потребите на општина Делчево.
На овој начин, тој му овозможил на правното лице од Кочани да стекне материјална корист.
The post Кривична пријава против поранешниот градоначалник на Делчево, осомничен за „злоупотреба на службена должност и овластување“ appeared first on Во Центар.
