среда, 18 ноември 2026
Најново

Куманово и МЗТ Скопје Аеродром во финалето на кошаркарскиот куп на Македонија

Претпочитан извор Додај го Пулс24 во твоите извори на Google Додај

Домаќинот на турнирот, Куманово ќе му биде противник на МЗТ Скопје Аеродром во финалето на купот „Благоја Георгиевски-Буштур“.

Ова е епилогот по вечерашниот втор полуфинален натпревар, во кој Куманово го победи ТФТ со 87:79.

ПУЛС24.МК - 14 ГОДИНИ

Кумановци во неизвесен натпревар и со голема поддршка од своите навивачи ја исполнија целта.

Најефикасни во победничкиот тим беа Николиќ со 31 поен (7/9 за три поени), пет асистенции и пет скока, Луковиќ со 17 поени (и осум скока), Стевановиќ 11 поени (седум скока и две додавања) и Ѓуроски 10 поени (и две асистенции).

Во поразената екипа двоцифрени беа Дејвис со 24 поени (четири скока и исто толку асистенции), Гордон имаше 15, Ташовски 14 поени (пет скока и две асистенции), Стојаноски 11 поени (и три скока).

Финалето на 34. финален турнир од националниот куп е утревечер со почеток во 19 часот.

Поврзани вести