Како ја замислувате својата куќа од соништаа? Можеби токму оваа величенствена камена куќа која е сместена на француското крајбрежје е остварување на вашите соништа.
Куќите кои зрачат со некој посебен стил од минатото и винтаж стил, освојуваат со некој посебен шарм и убавина, а една таква куќа се наоѓа во францускиот град Сартен, кој пак се наоѓа на осторвот Корзика, познат по својата медитеријанска убавина, прекрасно море и природа.
Камената куќа е сместена на ридско подрачје, нуди мир и тишина за целосен одмор и уживање, а има и базен и тераса кои „мамат“ за престој на отворено. Пријатната внатрешност на куќата изобилува со француски шарм, а посебна топлина и домашна атмосфера ѝ даваат дрвените подови и таванот.
