САД вчера соборија вооружено турско беспилотно летало кое оперирало во близина на нивните војници во Сирија, соопшти Пентагон, што е прв пат Вашингтон да собори летало на НАТО сојузникот Турција.
Претставник на турското Министерство за одбрана рече дека дронот што бил соборен не припаѓа на турските вооружени сили, но не кажа чија сопственост е.
-Турската Национална разузнавачка агенција изврши напади во Сирија врз цели на курдските милитанти по бомбашкиот напад во Анкара минатиот викенд, изјави турски безбедносен извор.
Вчеравечер, турските воени воздушни напади уништија 30 цели на курдските милитанти во северна Сирија, соопшти турското Министерство за одбрана.
Портпаролот на Пентагон, бригадниот генерал Пат Рајдер, рече дека турски беспилотни летала биле забележани како извршуваат воздушни напади во Хасака, Сирија, вчера наутро на околу еден километар од американските трупи. Неколку часа подоцна турско беспилотно летало се приближило на помалку од половина километар од американските војници и било оценето како закана и соборено од авион Ф-16.
- Претседателот на Хрватска утре ќе побара вонредна седница на парламентот поради еколошката катастрофа во Лика
- Армијата одбележува 34 години од формирањето
- Пентагон склучи договор од 22,9 милијарди долари за забрзано производство на ракети „Томахавк“
- Кристијано Роналдо објави дека ова веројатно му е последна сезона во фудбалот
- Драматични тврдења на поранешен близок соработник на Доналд Трамп: Се разгледува употребата на нуклеарно оружје против Иран
