Претседателите на Русија и Белорусија, Владимир Путин и Александар Лукашенко, се сретнаа во Пекинг. На почетокот од состанокот, Путин истакна дека лидерите на Русија и Белорусија секогаш имаат за што да разговараат, и покрај нивните чести средби.

Рускиот претседател нагласи дека ниедна земја не може да ја замени Белорусија за Русија.

„Рековме дека никој не може да ја замени Русија за Белорусија. Сакам да кажам дека никој не може да ја замени Белорусија за Русија“, истакна рускиот претседател. Тој, исто така, истакна дека Русија и Белорусија се поврзани со „многу блиски меѓудржавни односи“.

Лукашенко рече дека Белорусија ќе продолжи да ја поддржува Русија во решавањето на конфликтот во Украина. Рускиот претседател, исто така, ја пофали иницијативата на Кина за глобално управување, нагласувајќи дека е добра.