Францускиот претседател Емануел Макрон денес за време на разговорот со израелскиот премиер Бенјамин Нетанјаху нагласи дека е потребно и Израел и Иран да го почитуваат примирјето што е на сила.

„Ја делиме истата цел, Иран никогаш да не поседува нуклеарно оружје. За да се обезбеди ова на долг рок, ја нагласив важноста од продолжување на преговорите, како за нуклеарните, така и за балистичките прашања. Тоа е прашање на безбедноста на Израел и безбедноста на сите во регионот“, напиша Макрон на својот профил на мрежата IX.

Во телефонски разговор со Нетанјаху, тој нагласи дека е потребно да се воспостави примирје и во Појасот Газа.

„Ослободувањето на сите заложници, масовниот проток на хуманитарна помош во Појасот Газа и потрагата по политичко решение за две држави остануваат приоритети“, рече Макрон.