Максим на бугарска ТВ: Не можам да ја менувам историјата, Бугарија беше фашистичка, резултат се над 800 жртви од Куманово

Градоначалникот на Куманово Максим Димитриевски синоќа гостуваше на бугарската национална телевизија БНТ1 во емисијата „Говори сега“ каде што дебатираше со Христо Христов, внукот на Гоце Делчев, новинарот Костадин Филипов дописник на БНТ од Македонија и водителката Маја Костадинова. Стана напнато кога Димитриевски в лице на водителката и извади книга за Куманово во која се запишани жртвите на бугарската фашистичка полиција и армија кои бројат на 800.

Максим на бугарска ТВ: Не можам да ја менувам историјата, Бугарија беше фашистичка, резултат се над 800 жртви од Куманово

Гоце Делчев е симболот на македонизмот, Гоце Делчев е Македонија и Македонија е Гоце Делчев!

Во периодот 1941-1944-та година Бугарија е составен дел на фашистичката коалиција, за тоа постојат документи. Официјална Бугарија никогаш не излезе со став и не се извини.

Знаете што е резултат на таквиот режим на владеење? Оваа книга само за мојот град, над 800 жртви. Овој човек има 15 години, исечен е на парчиња. Значи, над 800 жртви, од кои најголем дел или над 90% се убиени од бугарската фашистичка полиција и армија. Ова не може да се заборави, но може да се стави на страна, да се учи од минатото и да креираме нова иднина, но, не на начинот како што го креираат некои поединци од вашата држава. За да почитуваш првенствено треба да добиеш почит.

Бугарската држава треба да сфати дека од Македонец бива само Македонец и не бива ништо друго. Ние сме Македонци, вие сте бугари. Ве сакаме и ве почитуваме, сакајте не такви какви што сме, затоа што на друг начин никогаш нема да се разбереме.

Гоце Делчев е синонимот на македонската борба, еден од современите македонски преродбеници. На крајот, каде почива? Во Скопје, тоа му била последната желба. Зошто не го решила бугарската држава повеќе од 40 години да го стави во саркофаг да го закопа некаде во Бугарија, бидејќи сакал да почива во независна Македонија.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.