Мајка од Дагенхам, во Велика Британија, која своите деца ги удави во када, доби казна доживотен затвор, според извештаите на Скај њуз. За време на период кога била опфатена со психоза, предизвикана, како што се тврди, од честото пушење на сканк, таа ги убила своите два мали сина во нивната када и беше осудена на доживотна казна со минимум од 21 година и 252 дена затвор. Кара Александар, на возраст од 47 години, беше прогласена за виновна за смртта на Елајџа Томас (2) и Марли Томас (5) во нивниот дом во Дагенхам, источен Лондон, во декември 2022 година. Во текот на процесот што се одржа во Крунскиот суд во Кингстон, таа се изјаснила дека не е виновна за двојното убиство, но поротата одлучи во спротивно во февруари. Обдукциите утврдија дека децата биле удавени или задушени, а Александар за време на судењето признала дека ги ставила во кадата, иако тврдела дека се удавиле случајно.
Објаснувајќи го своето решение, судијата Бенатан изјави дека Кара Александар дејствувала под влијание на психоза предизвикана од постојаното консумирање на „уличен канабис“ или сканк. „Таа вечерта на 15 декември 2022 година ја поминала во пушење сканк, што била рутина секоја вечер за неколку недели, а можеби и подолго“. Во еден момент, децата биле подготвени за спиење, во нивните пижами, со Елјаѓа сè уште во пелени. „И ги удавивте намерно“, рече судијата. Тој објасни дека таа ги држела под вода приближно две минути и напомена дека најверојатно веќе биле во кадата како дел од нивната рутинска вечерна подготовка, без претходно планирање на делото. Потоа, ги исушила, облекла во чисти пижами и ги сместила во кревет, покривајќи ги со ќебиња. Nа следното утро, нивниот татко, загрижен бидејќи не добил одговор од Александар, дошол во домот. Таа му рекла дека децата се спијат на горниот кат. Кога тој побарал помош, таа избегала. Полицијата ја пронашла еден час подоцна. Таа не го користела својот мобилен телефон на денот на убиството, а децата требало да преноќат кај нивниот татко за време на викендот. Полицијата утврдила дека нејзиниот мобилен бил користен редовно пред трагичниот настан, но од денот на смртта на децата немало повици или пораки. Обвинителството смета дека таа намерно ги избегнувала сите контакти по убиствата.
