Регистрирани се 10 пријави за нарушување на изборниот молк до отворање на избирачките места, соопшти Министерството за внатрешни работи.

„Во текот на 1 ноември 2025 година до 7 часот на 2 ноември 2025 година, односно до отворање на избирачките места, регистрирани се 10 пријави за нарушување на изборниот молк од кои по три на подрачје на СВР Скопје и СВР Охрид, две на подрачје на СВР Штип и по една на подрачје на СВР Тетово и СВР Битола. По преземени мерки не се потврдени пријавите за шест настани,“ се наведува во соопштението на МВР.

Покрај ова, регистрирани се 19 објави на социјалните мрежи за време на изборниот молк кои се однесуваат на повик за гласање за одредени кандидати, како и објавени видеа и слики од партиски активности во штабови.

„Во врска со гласањето, на 1 ноември 2025 година е регистриран настан за фотографирање кочан со гласачките ливчиња во основното училиште ’26 Јули’ во општина Шуто Оризари, при што приведено е едно лице и се преземаат мерки за расчистување на настанот,“ се вели во соопштението.