Јана Чернохова, министерка за одбрана на Чешка, ги обвини Обединетите нации (ОН) за „поддршка на терористите“ и не почитување на правото на самоодбрана и побара Чешка да се повлече од светската организација поради резолуцијата за конфликт во Израел.
- Само 14 земји, меѓу кои и нашата, јасно и разбирливо се изјаснија против невидениот терористички напад на терористите од Хамас. Се срамам од ОН. Според мене, Чешка нема никаква врска со организација која поддржува терористи и не го почитува основното право на самоодбрана. Ајде да излеземе – изјави Чернохова синоќа на социјалната мрежа Икс (поранешен Твитер).
- Само осум од 100 жени Ромки се вработени, економската зависност ги изложува на поголем ризик од насилство
- Хаос во Тирана: Демонстрантите фрлаат молотови коктели врз полицијата, бараат оставка од Рама (фото)
- Трамп вети пет илјади долари за секој Американец доколку републиканците победат на изборите
- Ѓорѓиевски: Бесплатен разглед на Матка и Врело – светот слушна за нашето богатство, време е сите да го доживееме
- Стечајот на Алта банка во Србија официјално започнува во понеделник, а депозитите на штедачите ќе бидат преземени од други банки
- Почина Мишо Ковач, легендата на хрватската и југословенската музика
- Преку Пакистан во рацете на Талибанците: Трамп се подготвува да депортира стотици Авганистанци
- (Видео) Недостиг на евра во менувачниците во Србија: Граѓаните масовно купуваат девизи, Народната банка презеде итни мерки
- Два хороскопски знака до Божиќ ќе стават крај на врска која долго време не ги правела среќни
- Бразил бара итни одговори од Аргентина во врска со бегството на Флави Болсонаро
Чешка припаѓа на земјите кои го поддржуваат Израел речиси без огради, дури и во последниот конфликт со Хамас, а премиерот Петр Фијала и шефот на дипломатијата Јан Липавски го посетија Ерусалим за да и дадат недвосмислена поддршка на израелската влада.
Тие нагласија дека Израел има право на самоодбрана, а во практични чекори официјална Прага, сепак, го следи ставот на Европската унија.
Како и поранешниот претседател на Чешка, Милош Земан, кој неодамна повика на депортација на Палестинците, исто како што Судетските Германци беа етнички исчистени од тогашна Чехословачка по Втората светска војна, Чернохова е меѓу произраелските јастреби на Чешката политичка сцена.
Пред две недели, чешкиот министер за одбрана, обвиен со израелско знаме, отиде на контра митинг за да го попречи правниот протест на неколку стотици луѓе на Вацлавскиот плоштад во Прага, кои поради страдањата на палестинските цивили го критикуваа начинот на кој израелските властите реагираа на терористичките напади на Хамас на 7 октомври.
Како решение за конфликтот на Блискиот Исток, поранешниот претседател Земан по избивањето на конфликтот предложи Палестинците од областите каде што сега живеат да се депортираат во пустините на Јордан и Саудиска Арабија.
- Не ми е грижа за цивилното население во Појасот Газа, кое и онака го поддржува Хамас. Се грижам за израелските војници затоа што сигурно не би било добро ако по срамот кој малку потсетува на војната во Јом Кипур, дојде нов срам од големи загуби во израелската армија – изјави Земан по избивањето на конфликтот.
Поранешниот чешки претседател го отфрли концептот на две држави како решение за израелско-палестинскиот конфликт.
- Секогаш потсетував на изјавата на (поранешниот премиер на Израел) Ариел Шарон дека Палестинците веќе имаат своја држава и дека таа се вика Јордан. Еднаш реков за време на посетата на Израел дека тие имаат можност да се инспирираат од судбината на Судетските Германци кога станува збор за Палестинците. Освен Јордан, а пустината може да се наводнува на ист начин како Израел, има и голема област на Саудиска Арабија – го повторил Земан своето предложено решение во интервју за прорускиот портал „Парламњи листа“.
