Министерството за здравство „наплаќа“ 134 илјади евра за сервисирање на службени возила во негова сопственост и на Државниот здравствен и санитарен инспекторат за период од 1 година, според податоците од веб-страницата на Бирото за јавни набавки.„Министерството не е обврзано да ги потроши 134-те илјади евра планирани за оваа јавна набавка, бидејќи сервисирањето се врши само кога е потребно“, велат за „Слободен Печат“.Станува збор за договори за услуги што Министерството ги склучило со три компании, едната за набавка и монтажа на гуми, а другите две за сервисирање на различни марки возила. Вредноста на договорот склучен со првата компанија е 1.180.000 денари, со втората компанија е 3.068.000 денари, а договорот склучен со третата компанија објавен на веб-страницата на Бирото за јавни набавки е 3.540.000 денари.Министерството за здравство вели дека 55 возила се предмет на сервисирање според овие три договори.„55 возила се предмет на сервисирање според овие три договори. Овие возила се користат за службени цели на Министерството за здравство и Државниот здравствен и санитарен инспекторат“, соопшти Министерството, појаснувајќи дека услугата за овие цени не ги вклучува болничките возила или возилата на јавните здравствени установи.
Пронајдете не на следниве мрежи:
