Премиерот Христијан Мицкоски денес изјави дека во моментов нема прекин во снабдувањето со нафта и нафтени деривати и дека државата има доволни количини за потребите на граѓаните и стопанството.
Тој посочи дека состојбата со нафтата, бензинот и керозинот е стабилна, а институциите се во постојана комуникација со добавувачите. Според него, во овој момент нема индикации за проблеми во синџирот на снабдување, ниту за граѓаните ниту за компаниите.
Мицкоски нагласи дека има резерви во државните магацини, како и преку нафтоводната врска со капацитетите на Солун и ОКТА, кои, како што рече, се пуштени во употреба.
Премиерот рече и дека потрошувачката на гориво е зголемена, а во одредени денови зголемувањето достигнува и до 30 проценти. Според него, причината за ова е што некои граѓани од соседните земји доаѓаат во Македонија за да се снабдуваат со гориво, особено во пограничните области.
Како што наведе, најголемиот притисок е на северната, јужната и западната граница, бидејќи цените на нафтата и бензинот во земјата се пониски во споредба со некои од соседните земји. Тој додаде дека Македонија снабдува и керозин со неколку аеродроми во регионот, вклучувајќи го и аеродромот во Приштина.
Во врска со можноста за евентуален недостиг, Мицкоски рече дека во моментов нема причина за загриженост. Доколку се појави таков ризик, рече тој, државата ќе реагира навремено и ќе усвои соодветна стратегија.
The post Мицкоски: Има резерви на нафтени производи во државните складишта, состојбата е стабилна appeared first on Во Центар.
