среда, 18 ноември 2026
Најново

Мицкоски и Тошковски ја покажаа запленетата марихуана: Никој не е над законот

Претпочитан извор Додај го Пулс24 во твоите извори на Google Додај

Министерот за внатрешни работи, Панче Тошковски, и премиерот Христијан Мицкоски, дадоа изјава пред просториите на МВР каде што се складирани 40 тони запленета марихуана и најавија детална истрага за случајот.

„Денес, заедно со премиерот, директорот на Бирото за јавна безбедност и остатокот од тимот на МВР, имаме можност да ги видиме овие 40 тони марихуана запленети во првата фаза од истрагата. Марихуаната била произведена, складирана и чувана надвор од тие утврдени протоколи, што значи дека со неа се ракувало нелегално од страна на компаниите од кои била запленета“, рече Тошковски.

ПУЛС24.МК - 14 ГОДИНИ

Тој рече дека марихуаната била привремено складирана во просториите на МВР за да се користи во доказната постапка. Тошковски рече дека истрагата е во тек.

Мицкоски рече дека операцијата за заплена има за цел да покаже дека никој не е над законот.

„Ова нешто зад мене е дел од 40 тони марихуана, нешто што е резултат на погрешна политика што не сакаме да ја повториме. Очекувам дека денес, на владина седница, ќе се донесе одлука за формирање комисија и тим што ќе ја испита работата на неколку правни лица и ќе утврди кој работи согласно законот, а кој не работи според законот. Сè што се случи во последните денови има за цел да покаже дека нема компромис со неправдата и незаконитоста и дека никој не е над законот и дека Министерството за внатрешни работи ќе се справи со предизвиците со кои се соочува со целиот свој капацитет“, рече Мицкоски.

Тој испрати порака дека криминалот не се исплати и дека сите криминалци ќе бидат фатени и строго казнети.

„Сакам да испратам порака до сите оние кои одлучија дека криминалот е профитабилен бизнис, можеби така било во друго време, но денес криминалот не се исплати, ќе бидете пронајдени и строго казнети“, рече Мицкоски.

ЛИНК ОД ВИДЕО

Поврзани вести