Премиерот на Република Македонија, Христијан Мицкоски, вели дека како влада се „за“ зголемување на минималната плата во земјата.
„Како влада, ние сме за зголемување на минималната плата бидејќи ќе имаме поголеми приходи во рамките на буџетот. Ние сме работодавач со 100 илјади вработени, а државата има 705 илјади вработени. Тие 600 илјади ќе дојдат кај нас. Ако гледаме себично, тогаш можеме да кажеме дека треба да се зголеми од утре, но ние велиме дека ние сме влада која посредува меѓу работодавачите и работниците. Секој договор што ќе го постигнат, ние како влада ќе го поддржиме“, изјави премиерот Христијан Мицкоски во врска со евентуалното зголемување на минималната плата во земјата.
Зборувајќи за време на посетата на ГАК во Клиничкиот центар „Мајка Тереза“, Мицкоски повторно се осврна на најновиот извештај на Евростат.
„Сакам да наведам неколку факти. Евростат изјави пред некој ден дека потрошувачката кошничка во Македонија во споредба со просекот дефиниран како 100% е најевтина во Европа, 72-73%. Секој во регионот, буквално, има поскапа потрошувачка кошничка од нашата. Имаме избор, да му веруваме на Евростат или на кошничката создадена од Бранимир Јовановиќ, Драган Тевдовски и Никола Попоски. Граѓаните се тие што треба да одлучат. Јас само го цитирам Евростат и му верувам на Евростат“, рече Мицкоски.
The post Мицкоски: Како влада сме за зголемување на минималната плата во земјата appeared first on Во Центар.
