Премиерот на Северна Македонија, Христијан Мицкоски, денес ја прими министерката за Европа и надворешни работи на Албанија, Елиса Спиропали, со која разговараше за билатералните односи и евроинтеграциските процеси.
„Денес се сретнав со Елиса Спиропали, министерка за Европа и надворешни работи на Република Албанија, во Владата.На средбата разговаравме за унапредување на билатералните односи меѓу двете земји, регионалната соработка и заедничките напори кон европска интеграција.
Посебен акцент беше ставен на важноста на добрососедските односи, стабилноста и развојот на регионот.
Средбата се одржа во конструктивен и пријателски дух, со заемна подготвеност за продлабочување на соработката во иднина“, пишува Мицкоски.
The post Мицкоски-Спиропали: Мора да се промовираат заедничките напори кон европска интеграција appeared first on Во Центар.
