Украина можеби ќе треба да се согласи да отстапи дел од територијата што моментално ја контролира Русија, доколку сака да се приклучи на НАТО, изјави висок функционер на Организацијата на Северноатлантскиот договор, пренесува Sky News.
Стијан Јенсен, кој служи како началник на Генералштабот на генералниот секретар на НАТО, Јенс Столтенберг, зборуваше за норвешките медиуми на панел-дискусија претходно денеска.
Столтенберг долго време внимателно избегнуваше прашања за тоа што може да направи Украина за да стави крај на војната. Неговиот став отсекогаш бил дека Украина, а не трети страни треба да одлучат како и кога да почнат преговори со Русија.
Но, тој даде индикации дека Украина навистина може да има пат кон НАТО.
„Постои значителна промена во прашањето за идното членство на Украина во НАТО. Во интерес на сите е војната да не се повтори. Русија е во голема воена неволја и се чини нереално дека можат да окупираат нови територии“, рече Столтенберг.
„Сега прашањето е што Украина може да врати назад“, додаде тој.
На прашањето на норвешкиот весник VG дали Украина мора да отстапи земја за да постигне мир и за возврат да добие членство во НАТО, Јенсен посочи дека прашањето е веќе поставено во алијансата.
„Не велам дека мора да биде вака“, рече тој. „Но, тоа би можело да биде можно решение.
Но, тоа решение би било во директна спротивност со целите за мир што ги изјави самиот претседател Зеленски.
Една од 10-те точки во неговата таканаречена формула за мир вклучува враќање на границите на Украина на местото каде што беа пред инвазијата. Украинскиот претседател јасно стави до знаење дека за тоа не може да се преговара.
Пронајдете не на следниве мрежи:
