Новиот врховен лидер на Иран, Моџтаба Хамнеи, е „ранет, изолиран и не реагира на пораките што му се пренесуваат“, изјавија американски и израелски безбедносни претставници за „Вашингтон пост“.
Според израелски официјални лица, Корпусот на Исламската револуционерна гарда и некои свештеници ја зајакнале својата контрола врз Иран.
Порталот „Аксиос“ во саботата објави дека Централната разузнавачка агенција на САД, израелскиот Мосад и други разузнавачки тела работат на пронаоѓање на Хамнеи, бидејќи тој остана „невидлив“ откако беше прогласен за нов врховен лидер по атентатот врз неговиот татко Али Хамнеи на 28 февруари.
Американскиот министер за одбрана Пит Хегсет на 13 март изјави дека Моџтаба Хамнеи е „ранет и веројатно обезличен“.
Моџтаба Хамнеи беше назначен за нов врховен лидер на Иран на 8 март и оттогаш не се појави во јавноста, а дури на 12 март, четири дена по неговото назначување, испрати писмена порака преку иранските државни медиуми во која најави продолжување на блокадата на Ормутскиот теснец.
The post Моџтаба Хамнеи ранет, изолиран и недостапен: ЦИА, Мосад и други се обидуваат да го најдат appeared first on Во Центар.
