Најпознатите светски брендови за облека ќе го забранат крзното

Луксузниот моден конгломерат „Керинг“ објави дека ќе ја исфрли употребата на вистинско крзно од животни во сите свои компании до есента 2022 година. „Керинг“, инаку е сопственик на брендовите „Гучи“, „Ив Сан Лоран“, „Александар Меквин“ и „Баленсијага“.
-Дојде време. Светот се промени, заедно со нашите клиенти, па луксузот мора да се прилагоди на тоа. Кога станува збор за благосостојбата на животните, нашата група секогаш покажува подготвеност да ги подобри практиките во синџирот на снабдување и во луксузниот сектор воопшто, рече извршниот директор на „Керинг“, Франсоа-Анри Пино.
Во 2017 година, брендот „Гучи“ се обврза да го исфрли крзното од производството, нагласувајќи ја општествената одговорност како една од основните вредности на брендот.
Активисти на ПЕТА протестираа пред продавницата „Ив Сан Лоран“ во Париз на 10 март годинава, со цел да се запре употребата на крзно.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.