Денес во Европа постои страна која се залага за војна и страна која се залага за мир, а во моментов онаа која се залага за војна е во предност, изјави денес унгарскиот премиер Виктор Орбан.
Во божиќно интервју за унгарски „Немзет“, тој рече дека Будимпешта сака мир, додека Унгарија сака војна.
Минатата недела во Брисел успеавме да го забавиме темпото на движење кон војна. Имаше такви кои сакаа да го забрзаат тој процес, но успеавме да ги блокираме. Сепак, процесот не е запрен, само е забавен. Во моментов, провојната страна има предност – рече Виктор Орбан .
Тој посочи дека не може да се исклучи можноста дека тековната година е последна година на мир за Европа.
– Навикнати сме на војна. Последната голема европска војна заврши во 1945 година, а од тогаш поминаа осумдесет години. Ова е исклучително ретка состојба во Европа. Долго време, нуклеарното оружје за масовно уништување ги држеше народите на континентот подалеку од војна – смета Орбан.
Според него, вистинската причина за ескалацијата на руско-украинската војна лежи во политичкиот, економскиот и социјалниот пад на Западна Европа.
– Овој процес започна во средината на 2000-тите, а беше забрзан од лошите одговори на финансиската криза. Пред дваесет години, економските перформанси на Европската Унија и Соединетите Американски Држави беа приближно на исто ниво. Денес, Америка расте, додека Европа се лизга надолу. Поранешниот примерен континент на светот стана лекомислен актер за неколку години – нагласи унгарскиот премиер.
Зборувајќи за зголеменото вооружување на европските земји, тој оцени дека тоа е „историски рефлекс“.
– Ако не можат да се натпреваруваат со региони што се развиваат побрзо од нив, тие се обидуваат да генерираат раст со воена економија. Тоа е исто така одлучувачката причина зошто Европејците се приклучија на украинско-руската војна. Сепак, тоа не беше неизбежно. Во февруари 2022 година, Европа можеше да одлучи да испрати мировна мисија во Москва и Киев и да не го прогласи овој конфликт за своја војна. Да се случеше тоа, денес немаше да живееме под сенката на заканата од војна. Наместо тоа, Европа тргна по патот на војната, исто така под американски притисок – изјави Орбан и додаде дека Европа не треба да ги базира своите стратешки одлуки на американските политички циклуси.
Коментирајќи го фактот дека повеќето од предложените мировни планови вклучуваат пристапување на Украина во Европската Унија, тој рече дека станува збор за „засладување“ на ситуацијата.
– Членството во ЕУ не значи гаранција за одбраната. Покрај тоа, тоа никогаш нема да се оствари. Членството на Украина во ЕУ не е реално. Унгарија веќе отворено се спротивставува на почетокот на преговорите, но има неколку западноевропски земји каде што би била неопходна парламентарна одлука или референдум. До тоа нема да дојде – рече Орбан.
The post На Европа ѝ се заканува целосно уништување?! Во својата божиќна исповед, Орбан му ја фрли бруталната вистина на Брисел пред лицето: Америка ве турка во војна – следува историски пад appeared first on Во Центар.
