Израелскиот премиер Бенјамин Нетанјаху изјави дека војната со Иран не е завршена бидејќи Иран збогатил ураниум кој „мора да се изнесе“ од земјата.
„Мислам дека војната постигна многу, но не е завршена бидејќи сè уште има нуклеарен материјал, збогатен ураниум, кој мора да се изнесе од Иран“, изјави Нетанјаху за Си-Би-Ес.
Тој рече дека сè уште има места за збогатување кои треба да се демонтираат.
„Постојат балистички ракети што тие сè уште сакаат да ги произведат. Сега деградиравме голем дел од нив, но сè е сè уште таму и има работа што треба да се направи“, рече Нетанјаху во дел од интервјуто објавено од „Тајмс оф Израел“.
Тој првично не прецизираше дали Израел верува дека иранските залихи од збогатен ураниум се закопани под земја во Исфахан.
Сепак, кога го прашале како треба да се отстрани високо збогатениот материјал, тој одговара: „Влези внатре и извади го“.
The post Нетанјаху: Војната со Иран не е завршена, сè уште има работа што треба да се направи appeared first on Во Центар.
