Откако стана рецепционерот во пансионот „Преспав“, младиот 25 годишен актер Дритон Вејсели, преку Талат од Џепчиште стана еден од омилените ликови на ТВ екраните.
Неговата специфична улога, тетовскиот дијалект, згодите и незгодите кои ги предизвикува со сопртвениците и гостите на пансионот, го направија лик кој гледачите на серијата со нетрпение очекуваат да го гледаат во секоја нова епизода.
За Талат од Џепчиште знаете повеќе отколку за Дритон Вејсели, млад актер кој досега има играно неколку улоги на сцената на Драмскиот театар, а имал улога и во уште една серија.
Сепак, улогата во „Преспав“ е онаа која му го трасираше патот до полуларноста. Откако стана познат, Талат е се поинтересен за медиумите кои редовно го бараат за интервјуа и детали од неговата приватнот.
Инаку, Дритон и навистина потекнува од Тетово, неговиот татко работи со слаткарница, а пак тој освен актерството ги сака сите гранки од уметноста.
Пронајдете не на следниве мрежи:
