Градежништвото повторно со двоцифрен раст, објави вицепремиерот и министер за транспорт Александар Николоски на својот Фејсбук профил, и додаде дека има силна динамика во изградбата на капитални проекти.
„Броиме раст од 14,6 проценти во време кога градиме капитални проекти, автопати, железници, регионални и локални патишта, како и голем број општински проекти. Во четвртиот квартал од 2025 година, Градежниот сектор забележа двоцифрен раст од 14,6 проценти, што само ја потврдува нашата силна посветеност и посветеност кон реализација на капитални проекти. Особено ме радува фактот што градежништвото континуирано расте, додека во 2025 година, во третиот квартал имавме раст од 21 процент, додека во четвртиот квартал забележавме раст од 14,6 проценти (и покрај зимскиот период каде што градежните активности се намалени поради природните услови)“, напиша Николоски.
Македонија, како што нагласува вицепремиерот во публикацијата, е меѓу земјите со највисок раст на БДП, каде што градежништвото повторно има двоцифрена стапка на раст.
„Во четвртиот квартал, БДП порасна за 3,8 проценти, што е најдобар показател за успешните политики што ги спроведуваме. Македонија се гради и се развива – доаѓаат нови инфраструктурни проекти“, најави вицепремиерот Николовски.
The post Николоски: Градежништвото повторно со двоцифрен раст appeared first on Во Центар.
Пронајдете не на следниве мрежи:
