Министерот за транспорт и врски, Александар Николоски, синоќа од Општина Брвеница изјави дека сите средства што општината ги доби од „унгарскиот кредит“ се реализирани како конкретни проекти.
Тој рече дека Општина Брвеница ќе реализира уште десетина проекти од вториот повик за инвестиции во инфраструктурата, бидејќи, како што рече, оваа општина обезбедила 60 милиони денари за десетици капитални инвестиции со вториот повик од „унгарскиот кредит“.
Градоначалникот Јовица Илиевски рече дека со средствата доделени од владата се реализирани проекти од големо значење за рурална средина како Брвеница.
„Ова е голема помош и верувам дека со оваа поддршка од Владата и министерот ќе продолжиме. Денес сме на патот „Браќа Јаниќ“, утре ќе започне асфалтирањето на патот „Вардарска“ во Брвеница, долниот дел од округот во Челопек, во Теново ќе започне и патот кај стадионот. Од вториот повик, односно околу 70 проценти од патиштата почнаа да се градат, сè уште ги имаме „Браќа Стефановиќ“ тука во Брвеница, два пата во Челопек и еден во Милетина“, рече Илиевски.
Тој потсети дека со првиот повик од „унгарскиот кредит“ вкупно се инвестирани околу 40 милиони денари во неколку проекти.
The post Николоски: Средствата од „унгарскиот кредит“ се имплементирани во конкретни проекти appeared first on Во Центар.
