Македонскиот репрезентативец Филип Кузмановски, официјално беше претставен како ново засилување за екипата на Вецлар, во германската ракометна Бундеслига.

Средниот бек потпиша договор до крајот на сезонава, со можност да го продолжи на уште една. Одлуката да ги смени боите на Хановер, чиј дрес го носеше од 2020 година, дојде поради малата минутажа под водство на тренерот Кристијан Прокоп.

Во Вецлар, 26-годишниот битолчанец очекува неговите квалитети да бидат далеку повеќе искористени, особено што дел од стручниот тим е Филип Миркуловски кој одлично го познава и знае кога и како би бил најкорисен за тимот.