Трамп го потпиша законот за објавување на досиејата на Епштајн, документ претходно усвоен од Претставничкиот дом и Сенатот на американскиот Конгрес, Министерството за правда во рок од 30 дена
Американскиот претседател Доналд Трамп потпиша закон со кој се овластува Министерството за правда на САД да објави досиеја поврзани со Џефри Епштајн, покојниот осуден педофил и милионер кој се дружеше со многу влијателни и познати луѓе.
– ЈАС ТУКУШТО ГО ПОТПИШАВ ЗАКОНОТ ЗА ОБЈАВУВАЊЕ НА ДОСИЕАТА НА ЕПШТАЈН! – напиша Трамп во карактеристичен пост со големи букви на својата социјална мрежа Truth (Вистина Социјал).
„Скај њуз“ објави дека на објавата ѝ претходел долг вовед чија цел била дискредитација на Демократската партија.
– Демократите го искористија прашањето за „Епштајн“, кое ги засега многу повеќе отколку Републиканската партија, за да се обидат да го одвлечат вниманието од нашите НЕВЕРОЈАТНИ победи – рече шефот на Белата куќа.
Британската телевизија објави дека објавата на Трамп доаѓа откако Сенатот ја заврши формалната постапка и го испрати предложениот закон до американскиот претседател на потпис, откако документот беше усвоен со огромно мнозинство од Претставничкиот дом во вторник.
На почетокот на неделата, Трамп нагло го смени својот претходен став и побара од републиканците да ги објават досиејата на Епштајн, откако 100 од неговите конгресмени одбија да се придржуваат.
Министерството за правда сега има 30 дена да ги објави документите што ги има за Епштајн.
The post ОБЈАВА ОД АМЕРИКАНСКИОТ ПРЕТСЕДАТЕЛ КОЈА ДОЛГО СЕ ОЧЕКУВА! Трамп го потпиша законот усвоен од конгресмените и сенаторите, ќе ги објави ДОСИЕАТА НА ЕПШТАЈН appeared first on Во Центар.
