Одредени видови чаеви, кои се пијат незасладени, можат природно да помогнат во намалувањето на нивото на шеќер во крвта благодарение на нивните антиоксидантни својства.
Затоа, тие често се препорачуваат на луѓе кои страдаат од дијабетес или се изложени на зголемен ризик од негова појава.
Подолу е даден преглед на чаеви чија ефикасност е потврдена со научни истражувања.
Зелен чај
Зелениот чај, кој зафаќа 38 проценти од пазарот на чај во големите и средните продавници, е богат со катехини. Според студија објавена во 2023 година во списанието Nutrition Research, овие соединенија ја подобруваат чувствителноста на инсулин и го олеснуваат преносот на гликоза во клетките, што сето тоа придонесува за намалување на нивото на шеќер во крвта.
Слично на зелениот чај, црниот чај содржи и катехини. Чајот од хибискус, направен од сушени ливчиња, е познат по своите антиинфламаторни ефекти, а исто така ја подобрува и чувствителноста на инсулин, според студија од 2011 година објавена во Journal of Medicinal Food.
Студија од 2015 година во „Journal of Diabetes Research“ покажа дека чајот од цимет може да помогне и во намалувањето на нивото на шеќер во крвта. Студија објавена во 2019 година во списанието „Nutrients“ покажа дека чајот од куркума , покрај тоа што го намалува шеќерот, придонесува и за намалување на нивото на масти во крвта.
Посебна придобивка за лица со дијабетес
Дејството на овие чаеви може да биде особено корисно за луѓето со дијабетес. Студија од 2013 година објавена во списанието „Дијабетес и метаболизам“ откри дека консумирањето зелен чај може да го намали ризикот од развој на дијабетес тип 2. Црниот чај има сличен ефект, според студија од 2017 година објавена во „Азиско-пацифичкиот журнал за клиничка исхрана“.
Друга студија, објавена во 2018 година во списанието „Фитотерапија рисрч“, откри дека чајот од маточина може да помогне во намалувањето на нивоата на одредена молекула карактеристична за луѓето со дијабетес тип 2.
Конечно, според студијата од октомври 2025 година во „Клинички и експериментални стоматолошки истражувања“, антиоксидансите во чајот од ѓумбир не само што помагаат во намалувањето на шеќерот во крвта, туку можат да помогнат и во намалувањето на нивоата на истата молекула.
The post Овие седум видови чаеви помагаат во намалувањето на шеќерот во крвта appeared first on Во Центар.
