Храна што ја зачувува меморијата по 50 години.
Експертите тврдат дека генетиката игра важна улога во одржувањето на здравјето на мозокот, но начинот на живот и исхраната имаат уште поголемо влијание. Со избирање на вистинската храна, можеме да го забавиме стареењето на мозокот и да ја подобриме концентрацијата и меморијата. Неврохирургот д-р Брајан Хофлингер ги откри трите намирници што ги користи секој ден за да го одржи мозокот во врвна форма, а сите се лесно достапни!
1. Рибата е гориво за мозокот
Масните риби, како што се лососот, скушата, пастрмката и сардината, се вистинска суперхрана за мозокот. Тие се богати со омега-3 масни киселини, кои ја стимулираат работата на мозочните клетки и го подобруваат протокот на крв во мозокот. „Лососот и туната се моите омилени бидејќи се богати со омега-3 и имаат малку заситени масти, што е идеално за здравјето на мозокот“, објаснува д-р Хофлингер.
2. Јаткастите плодови штитат од заборавеност
Оревите, бадемите и ф’стаците се полни со здрави масти и протеини кои го хранат мозокот и го намалуваат воспалението. „Оревите се особено корисни бидејќи содржат ALA, растителна форма на омега-3 масна киселина која ја поддржува структурата на мозочните клетки“, вели докторот. Само една шака јаткасти плодови дневно може многу да помогне во одржувањето на менталната бистрина.
3. Листовиот зелен зеленчук е еликсир за мозокот
Спанаќот, кељот и брокулата содржат многу витамин К и фолна киселина, кои се клучни за меморијата и концентрацијата.Студиите покажуваат дека луѓето кои редовно јадат зелен зеленчук имаат подобри когнитивни способности и побавно стареење на мозокот.
The post Овие 3 намирници се еликсир за мозокот: Јадете ги по 50-тата година, вашата меморија ќе биде како во дваесеттите години! appeared first on Во Центар.
Пронајдете не на следниве мрежи:
