Турскиот претседател Реџеп Таип Ердоган му подари на унгарскиот премиер Виктор Орбан турски електричен автомобил Togg за време на официјална посета на Будимпешта.
– Претседателот Ердоган на премиерот Орбан му подари црн електричен автомобил Togg со регистарски број „HU TR-100“. во чест на 100-годишнината од дипломатските односи меѓу Турција и Унгарија – соопштија од кабинетот на турскиот претседател.
На објавените фотографии се гледа како Орбан вози автомобил.
Орбан, од друга страна, на гостинот му подари коњ по име Аристократ.
– Тоа беше добра работа! 435 коњски сили во замена за еден. Добре дојдовте претседателе Ердоган – напиша Орбан на својот профил на социјалната мрежа Фејсбук.
Ердоган пристигна во понеделник во официјална посета на Унгарија. Во рамки на посетата, Ердоган се сретна со унгарската претседателка Каталин Новак и премиерот Виктор Орбан, а предвидени се средби и со други претставници на унгарските власти. Турскиот лидер ќе учествува и на состанокот на Унгарско-турскиот совет за стратешка соработка.
Унгарскиот министер за надворешни работи Петер Сијарто претходно изјави дека на состанокот на советот за стратешка соработка ќе биде потпишан договор за приоритетно стратешко партнерство и заемна помош во вонредни ситуации помеѓу Унгарија и Турција.
Турскиот електричен автомобил Togg вообичаено забрзува до 100 километри на час за 7,4 секунди, полнењето до 80 отсто од енергијата на батеријата ќе трае 28 минути со специјално полнење, а батеријата може да се полни шест часа од обичен штекер.
Пронајдете не на следниве мрежи:
