Од 1 јануари 2026 година, граѓаните ќе плаќаат малку повисоки партиципации за некои здравствени услуги, објави Фондот за здравствено осигурување (ФЗО). Зголемувањето се смета за „симболично“ и, како што истакнуваат властите, претставува прилагодување на цените кои не се прилагодувале со години.
Според извештаите, партиципацијата за услугите што претходно изнесуваше 40 денари ќе се зголеми на 60 денари. ФЗО нагласува дека ова прилагодување нема значително да ги оптовари буџетите на граѓаните, туку ќе придонесе за подобро финансирање на здравствениот систем.
Специјалистичкиот преглед ќе се зголеми од 380 денари на 720 денари. Додека пак, најголемо зголемување ќе има општиот пакет за итни случаи, од 780 денари на 2.450 денари.
Паралелно со зголемувањето на партиципацијата, се планираат и поголеми плаќања за здравствените установи, особено за специјалистички консултативни услуги, со цел подобрување на квалитетот и пристапот до здравствена заштита.
Фондот најавува и други промени во 2026 година, вклучително и проширување на позитивната листа на лекови, што, велат тие, треба да донесе директни придобивки за пациентите.
The post Од 1 јануари, партиципацијата за здравствените услуги ќе се зголеми appeared first on Во Центар.
