Германската патриотска партија „Алтернатива за Германија“ (AfD) е обвинета дека ги користи своите пратенички прашања за собирање информации што би можеле да бидат од интерес за руските разузнавачки служби, пишува бриселскиот „Политико“.
Пратеникот на AfD во покраинскиот парламент на Тирингија, Ринго Милман, постојано поднесуваше барања до регионалната влада во врска со транспортот на западно оружје во Украина и локалните системи за одбрана од беспилотни летала , предизвикувајќи обвинувања од центристичките политичари дека партијата се обидува да открие чувствителни информации на Москва .
Министерот за внатрешни работи на Тирингија, Георг Мајер (СПД) , рече дека AfD покажува „неверојатен интерес за критичната инфраструктура и безбедносните власти“, додека AfD негира дека дејствувала по налог на Кремљ.
АфД е позната по своите позиции поволни за Русија , вклучително и обновување на економските врски и прекинување на воената помош за Украина, истакнува Политико. Партијата тврди дека нивните прашања се легитимни и дека владата нема обврска да открива чувствителни информации.
Аналитичарите предупредуваат дека иако поединечните барања не се проблем, збирот на барањата на AfD овозможува увид во транспортните правци и воената логистика. Од 2020 година, AfD има поднесено повеќе од 7.000 прашања поврзани со безбедноста, вклучувајќи речиси 70 проценти од прашањата во Тирингија и повеќе од 60 проценти во Бундестагот.
Експертите веруваат дека таквата практика може да претставува закана за националната безбедност, без разлика дали партијата дејствува во свој интерес или во интерес на Кремљ .
The post Општ хаос во Бундестагот, шокантно обвинување против АфД appeared first on Во Центар.
