Унгарскиот премиер Виктор Орбан и министерот за надворешни работи Петер Сијарто денес се сретнаа со претседателот на Република Српска, Милорад Додик, во Будимпешта, а Орбан по состанокот објави дека Додик е осуден затоа што одбил да ја игра играта што ја игра Брисел.

„Милорад Додик, претседателот на Република Српска, е во Будимпешта. Претседателот Додик е осуден затоа што одбива да ја игра играта што ја игра Брисел. Унгарија одбива да ја прифати оваа одлука“, напиша Орбан на социјалните мрежи.

Претходно, унгарскиот министер за надворешни работи, Петер Сијарто, изјави дека интересот на Унгарија за национална безбедност е „стабилноста на Западен Балкан и дека секоја надворешна интервенција што е во спротивност со ова е и штетна и опасна“.

„Одлуките на луѓето од Западен Балкан мора да се почитуваат, а нивното доведување во прашање ја загрозува стабилноста и мирот во регионот“, објави Сијарто на социјалните мрежи.

Додик во посета на Орбан: Благодарен сум за неговата поддршка кон Република Српска