На хегемонијата на Западот и дојде крајот, сега се формира нов светски поредок, изјави за агенцијата МТИ унгарскиот премиер Виктор Орбан.
„Заврши хегемонијата на Западот, тоа денеска никој не го оспорува и тоа го потврдуваат податоците. Се формира нов светски поредок и ситуацијата мора постојано да се оценува и анализира“, рече тој на средбата со унгарските амбасадори.

Унгарскиот премиер укажа на обидите да се подели светот на геополитички блокови. Истовремено се врши голем притисок врз земји како Унгарија кои го штитат суверенитетот.
„За време на членството во блокот има многу ограничен простор за маневрирање, затоа и Унгарија е заинтересирана за членство во Европската унија и НАТО, а поделбата на блокови не е во нејзин интерес. Затоа ќе го зајакнеме нашиот сојуз со другите земји кои го штитат суверенитетот“, рече Орбан.
Тој неодамна изјави дека Унгарија сака да ја зголеми соработката со Москва во сфери кои не подлежат на санкции. Според него, економскиот живот во Украина ќе продолжи и по конфликтот, а рускиот пазар е важен за земјата.

Покрај тоа, Будимпешта смета на развивање на односите со Австрија, Словачка и Србија во рамките на новата алијанса, која нема да ја замени Вишеградската четворка, туку ќе постои паралелно со неа.
Рускиот претседател Владимир Путин постојано го критикуваше „светскиот поредок заснован на правила“ што го пропагира Западот и го нарече апсурден. Според него, никој не ги видел овие правила и не пишувал за нив, што на поддржувачите на сличен колонијален пристап им дава можност да ги измислуваат од случај до случај за своја корист.