Пет пријави досега пристигнале на огласот за републички јавен обвинител на Република Северна Македонија на адреса на Собранието. Бројката ја потврдија од собраниските служби. Кандидатура поднеле Владимир Панчевски, поранешен претседател на Основниот Крвичен суд Скопје, обвинителките Лидија Раиќевиќ и Ленче Ристоска, актуелниот судија во Кривичниот суд, Ненад Савевски и актуелната в.д. републичка јавна обвинителка Анита Тополова – Исајловска.

Рокот за пријавување истекува денеска на полноќ. Тоа значи дека во текот на денот уште некој кој претендира да ја добие оваа функција има можност да се пријави.

Поранешниот републички јавен обвинител Љупчо Коцевски во декември лани поднесе неотповиклива оставка. На неговото место како вршител на дејноста беше избрана Анита Тополова-Исајловска.